LUNTIANG KAPALIGIRIAN

gaanu kasarap pagmasdan ang luntiang kapaligiran
sariwang hangin at mga ibong nagsisiawitan
mga bulaklak na nagsasayawan sa harden
paru-paru at bubuyog na nakakaaliw din

sariwang tubig sa mga ilog at mga batis
doon ay sarap maligo balat mo ay kikinis
nagsisilakihang mga puno doon sa kabundukan
mga hayop at mga ibon ito ang kanilang tirahan

luntiang kapaligiran nasaan ka na ngayon
bakit sa mga larawan na lamang kita nasisilayan ngayon
bakit natin hinayaan na maging ganito
masakit man isipin pero tao ang may kagagawan nito

hinahayaan nating sirain at masira ang inang kalikasan
pwede naman tayong magkaisa at gumawa ng paraan
simulan nating linisin ang ating kapaligiran
magtanim ng puno at maging reponsabling mamamayan

mga basura natin itapon sa tamang lagayan
wag itapon sa ilog dahil baha ang idudulot nyan
isipin natin ang ating mga anak at ang kanilang kinabukasan
paano nalang sila kung pulosyon at basura ang kanilang kapaligiran

PASKO

ika-25 ng december ipinagdidiriwang ito
pamilya ay nagtitipon-tipon upang magsalo-salo
pero ano nga ba ang ibig sabihin ng pasko
marami sa atin ang hindi alam ang ibig sabihin ito

ipinagdidiriwang ang araw na ito
tanda ng pagkasilang ng tagapagligtas na si cristo
pero hindi lang yan ang ibig sabihin
isinilang sya upang sa kasalanan tayo ay tubusin

mga bata ay natutuwa pag sumapit ang araw pasko
dahil sa bahay ng ninong at ninang sila ay mamamasko
kukuha ng bagong medyas at isasabit sa may pinto
dahil dadaan si santa claus namimigay ng regalo

para sa akin pera o regalo ay hindi mahalaga
pag kompleto ang pamilya wala itong kasing saya
presensya ng tao ay walang katumbas na pera
at hindi mabibili ng pera ang dulot nitong ligaya

mga tula ni potz: INA

mga tula ni potz: INA: ilaw ng tahanan kung siya ay ating tawagin wala syang kapantay sa kanyang mga gawain gawaing bahay ay kanyang ginagampanan alagaan ang mg...

INA

ilaw ng tahanan kung siya ay ating tawagin
wala syang kapantay sa kanyang mga gawain
gawaing bahay ay kanyang ginagampanan
alagaan ang mga anak at ang haligi ng tahanan

isa syang bayani sa paningin ko
dahil lakas nya'y napapahanga ako
pwede ko rin syang ihalintulad sa isang robot
dahil katawan nya'y di napapagod sa kakaikot

parang alarm clock siya sa umaga
dahil walang tigil ang kanyang bunganga
pero wala namang masama sa kanyang mga sinasabi
intindihin nalang natin dahil ito'y ating ikabubuti

kanyang pagmamahal ay dapat nating suklian
ng pagmamahal ng isang anak at ikatutuwa nya iyan
dahil walang sahod ang pagiging ina
dapat isaisip natin ang mga ginagawa nila

walang day off, walang bakasyon
di rin pwedeng magpasa ng resignation
yan ang buhay ng isang magaling at responsabling INA
kaya dapat mahalin ninyo ang inyong INA hangga't buhay pa sya

Buhay OFW

nilisan ang Pilipinas dahil sa kahirapan
pumunta at nagtrabaho sa ibang bayan
pilit tinitiis ang lungkot at pangungulila
dahil umaasa sa amin ang aming pamilya

araw at gabi ay binibilang namin
sana sa paggising ay uwian na namin
walang kasing lungkot ang mapalayo sa pamilya
pero kailangan tiisin para sa kinbukasan nila

sa mga aming naiwan dyan sa bansang Pilipinas
inyo naman sanang isipin ang aming dinaranas
huwag kayo gumastos ng padalos dalos
dahil dugo't pawis namin dito ay aming ibinubuhos

paalala sa mga OFW na katulad ko
magipon at h'wag aksayahin ang mga sahod ninyo
dahil darating ang araw na tayo ay uuwi sa ating inang bayan
at doon magtayo ng hanapbuhay na ating pagsimulan